На неколку минути пред официјалниот тренинг на стадионот „Ренцо Барбера“ со своја прес конференција и нашиот национален тим. Интересот голем со оглед на тоа дека станува збор за битка на две селекции кои утре ќе се судрат за пласман во финалето од баражите за пласман на СП 2022.
Нашиот селектор Благоја Милевски како и пред заминувањето, така и тука во Палермо ја потсети јавноста за неговиот став и мислење за дуелот со големиот фаворит Италија
„Секоја репрезентација има свои квалитети и свои добри и лоши страни. Секоја репрезентација има различни карактеристики и така ниту една селекција од минатото која играла со Италија не наликува на нашата. Дали би посакал резултат како оној од Торино (1:1)? Тој и овој натпревар немаат никаква допирна точка. Тоа беа квалификации а ова е плеј-оф. Не би разговаран на таа тема. Атмсоферата!? Можам да бидам среќен со тоа што на располагање имам вакви дечки“, напомена Милевски.
Околу составот, околу стартните 11 нашиот кормилар нагласи:
„Немам дилеми, познат е составот и се надевам дека сите ќе бидат фит и по денешниот тренинг. Дали сме спремни за победа!? Не сме случајно тука, покажавме квалитет во квалификациите и на нас е само да уживаме и да го дадеме максимумот на овој натпревар“
Пласманот на ЕП беше на полесен начин обезбеден, дали сонот за СП е можен!?
„Јас сум реален и секогаш тргнувам од сопствените редови. Ние пред нас имаме една цел. Во иднина да останеме, да бидеме секогаш конкурентни во квалификациите дали за ЕП или СП. Многу е рано да се збори Македонија да биде во кремот на европскиот фудбал. Но имаме потенцијал и во брзо време да стигнеме до таа цел“.
Што очекува од Манчини?
„Подготвени сме за секое сценарио на Италија. Го почитувам Манчини и неговата работа. Тој е главниот виновник за европската титула на Италија. Секој има свој план. Како тие така и ние…. Секој со своите математики. Македонија се надевам дека е физички подготвена да игра и продолжетоци. Играчите имаат добри минутажи по своите клубови. Спремни сме и за продолжетоци. Последната порака до играчите ќе биде: Уживајте во натпреварот“.
Инаку Милевски имаше свој коментар и за Александар Трајковски, екс фудбалерот на Палермо.
“Трајковски ќе игра дома, секако дека ќе игра пред своја публика. Несторовски не е тука зошто не е во натпреарувачка форма, верувам дека брзо ќе се врати“ заврши селекторот.
