Вечерва нашата најдобра фудбалска репрезентација по 260 пат ќе го има својот настап. Досега, откако постои самостојна Македонија, во тие 259 натпревари, сме имале 80 победи, 66 ремија и 113 порази. Гол разликата е 314:347.
Денеска 24 март, а на денешен ден сме одиграле четири меча. И веднаш да кажеме дека оваа генерација на играчи, оваа Македонија не знае за пораз кога играла на 24 март.
Во 2017 година сме гостувале во Лихтенштајн, и сме победиле со 0:3, со головите на Николов и два на Несторовски. Во 2019 година пак игравме со Словенија, исто на гости, кога беше 1:1, стрелец за нас беше Барди.
Претходно, кога оваа генерација на играчи не беше на сцена, сме играле двапати и двапати сме поразени. Прво од Шведска во Гетеборг со 1:0 во 2001, а потоа и во Загреб од Хрватска со 2:1, во 2007 година. Тогаш поведовме со голот на Седлоски.
Интересно е тоа што денеска е петтиот натпревар на Македонија на 24 март, и овој како и сите претходни, ќе го играме на гости.
СИТЕ НАТПРЕВАРИ НА МАКЕДОНИЈА НА 24 МАРТ
(2019) Словенија – Македонија 1:1
(2017) Лихтенштајн – Македонија 0:3
(2007) Хрватска – Македонија 2:1
(2001) Шведска – Македонија 1:0
