Да бидеме реални! Не чека пеколно тежок меч вечерва. Дуел за место на СП против актуелен европски првак и повеќекратен светски првак. Италија е една од најсилните светски селекции во историјата на фудбалот. Играме кај нив, на нивни терен, пред нивна публика.
Уште потешко за нас е тоа што во оваа пресметка влегуваме без тројцата фудбалери кои играа (т) во Серија А.
Горан Пандев – се откажа од националниот тим по настапот на ЕП. Сезоната ја почна во Џенова, сега е во Парма. Нашата најголема фудбалска легенда и долгогодишен столб на државниот тим.
Илија Несторовски – има мала минутажа во Удинезе, но е во натпреварувачки и тренажен циклус. Капитен на Палермо и омилен играч на навивачите од овој град. Веќе цела година не игра за Македонија по тешката повреда на коленото. На последниот меч даде гол во март 2021 година.
Елиф Елмас – нашата сегашност и иднина! Жолти картони и суспензија. Тој фаул со Исланд и тој жолт непотребен картон сега го носи на трибините на овој голем – огромен меч за Македонија.
