Кошаркарите на Феникс ја победија Минесота со 125:116 и се на прагот да обезбедат предност на домашен терен за време на плеј-офот. Деандре Итон постигна 35 поени и 14 скока,а Девин Букер имаше 28 поени, од кои 22 постигна во вториот дел.
Феникс е најдобриот тим во лигата со 59 победи и 14 порази, а Мемфис е втор со скоро 50/23, на девет натпревари пред крајот на регуларниот дел од сезоната.
Кошаркарите на Голден Стејт го победија Мајами со 118:104. Џордан Пул беше најефикасен во победничкиот тим со 30 поени и девет асистенции, а Демион Ли, Џонатан Каминг и Ендрју Вигинс додадоа по 22 поени. Стивен Кари и Андреа Игудала не беа во тимот поради повреди.
Кошаркарите на Оклахома го совладаа Орландо со 119:102 и ја прекинаа серијата од 10 порази. Тео Маледон постигна 25 поени, од кои 17 во четвртата четвртина за Тандер, а Ајзеа Роби и Треј Мен додадоа по 21 поен.
НБА РЕЗУЛТАТИ:
Шарлот – Њујорк – 106:121
Детроит – Атланта – 122:101
Индијана – Сакраменто – 109:110
Бостон – Јута – 125:97
Мемфис – Бруклин – 132:120
Мајами – Голден Стејт – 104:118
Минесота – Феникс – 116:125
Оклахома Сити – Орландо – 118:102
Далас – Хјустон – 110:91
ЛА Лејкерс – Филаделфија – 121:126
Портланд – Сан Антонио – 96:133
