Шведската фудбалска ѕвезда Златан Ибрахимовиќ се уште не се предава. Иако има 40 години не планира во брзо време да се откаже од фудбалот.
„Се уште немам ништо одлучено. Но знам дека не сакам да станам како оние фудбалери кои ќе се откажат, а потоа жалат затоа што можеле да поиграат уште малку. Сакам да останам што е можно подолго на терените. Всушност ќе играм додека не видам некој подобар од мене“, коментира Ибрахимовиќ кој сезонава во 18 натпревари за Милан во Серија А постигна осум голови.
