Кошаркарите на Феникс синоќа на домашен терен го совладаа тимот на Филаделфија со 114:104 и со тоа го забележаа осмиот последователен триумф во НБА лигата. Феникс, кој веќе ја обезбеди првата позиција на Западот пред плеј-офот, до победата го предводеа Девин Букер со 35 поени и Крис Пол кој додаде 19 поени и 14 асистенции.
Кошаркарите на Голден Стејт го загубија и петтиот од последните шест натпревари, овој пат од Вашингтон беше подобар од нив со 123:115. Во редовите на Вориорс, кои играат без повредениот Стеф Кари, се истакнаа Пул со 26 поени, Клеј Томпсон со 25 и Ендрју Вигинс со 23 поени, додека кај победниците Кори Кисперт беше најефикасен со 25 поени.
Далас на домашен терен беше подобар од Јута со 114:100, со што се проби на четвртата позиција на Западот. Лука Дончиќ со 34 поени го предводеше Далас до триумф, додека во тимот на Јута најдобар беше Руди Геј со 18 поени.
Кошаркарите на Њу Орлеанс надополнија негатива од 23 поени и на крајот славеа против ЛА Лејкерс со 116:108.
НБА РЕЗУЛТАТИ:
Детроит – Њујорк 102:104
Бостон – Минесота 134:112
Вашингтон – Голден Стејт 123:115
Феникс – Филаделфија 114:104
Њу Орлеанс – ЛА Лејкерс 116:108
Бруклин – Шарлот 110:119
Далас – Јута 114:110
