Македонија имала многу големи играчи во минатото, но никогаш немала ваква шанса како оваа денеска. Да играме меч за пласман на СП.
Николче Новески е еден од најдобрите стопери кој играл во националниот тим. Легендарниот дефанзивец на германскиот тим Мајнц, деновиве со многу внимание и емоции ги следи настапите на нашите фудбалери, неговите наследници.
„Ова се историски моменти не само за нашиот фудбал туку и за нашата држава. Победата на Италија сите нас не направи горди и среќно што еден денеска играме едно големо финале за пласман на СП, што е сон на многу генерации и неостварена желба на сите Македонци“, коментира Новески околу историските успеси на нашиот државен тим.
Фудбалерот кој одигра 64 натпревари за Македонија и постигна 5 голови важи за човек кој секогаш реално ги гледа настаните и дава прецизни анализи: „Ја победивме Германија, еве сега Италија, а играме денеска со Португалија. Докажавме дека можеме да играме со најсилните и тоа на нивни терен. Ние и во минатото со големите игравме подобро на нивни терен. Дома како да не можевме да се носиме со притисокот. Но оваа генерација има потенцијал, има сила и сите ние вечерва се надеваме на уште една историска ноќ“.
За силата на Македонија за стоперите Велковски и Муслиу!?
„Двајцата се одличлен тандем. Долго време играат заедно, воиграни се – се познаваат и делуваат сигурно. Можат и вечерва да одиграат перфектен меч како оној пред неколку дена со Италија. Имаат добра комуникација и со останатите играчи како бековите Ристовски и Алиоски, но мене ме радува одличната форма на голманот Столе Димитриевски“.
Новески верува во нова тимска победа!?
„Единството е нашата сила. Имаме добар фонд на играчи, играчи кои играат во своите клубови. Добро што се враќа Елмас во тимот, но и Костадинов. Милевски ќе има поголем избор за сите позиции во екипата. Не очекува драматичен меч, но различен од оној со Италија. Португалија игра сосема поинаков фудбал, мниогу познати играчи и ѕвезди. Роналдо не е Португалија во чиј што состав има многу, многу екстра фудбалери. Но за нас најважно е како ние ќе одиграме“.
Очекувањата на Новески за големото финале и шансите за пласман на СП!?
„Момци ајде на СП и донесете нова радоста. Ова се тешки натпревари и за двете селекции. Еден меч во кој ние нема што да загубиме. Португалија е таа која треба да внимава затоа што нашиот тим докажа дека џзнае да игра на гости и со големите. Ова е голема шанса за нас. Она што деновуиве го читав по светските медиуми е доволен доказ за големината на успехот на нашата репрезентација. Само борбено и смирено…“, е пораката на Николче Новески до сите кои се во националниот тим вечерва во Порто на историскиот меч за пласман на СП.
