Во финалето на Мастерсот во Мајами ќе играат Норвежанецот Каспер Руд и Шпанецот Карлос Алкарас. Во првото полуфинале Руд со убедливи 6:4 и 6:1 го совлада најголемото изненадување на турнирот Аргентинецот Франциско Черундоло, додека 18-годишниот Алкарас во другото полуфинале го совлада бранителот на трофејот Хуберт Хуркач од Полска со 7:6(5) и 7:6(2).
И за Руд и за Алкарас ова ќе биде прв настап во финале на некој Мастерс турнир. Руд досега освоил седум АТП турнири, од кои шест на земјена подлога, а пет во 2021 година. Има и еден триумф од 2022 во Буенос Аирес.
Алкарас има два трофеја исто така на земјена површина, во хрватски Умаг минатата година, а другиот е од Рио оваа година. Доколку Алкарас победи ќе стане третиот најмлад победник во Мастерс турнир по Мајкл Ченг (Торонто 1990) и Рафаел Надал (Монте Карло 2005).
Финалето е закажано за во недела од 19 часот по Средно европско време.
