Португалскиот репрезентативец Диого Жота му ја обезбеди на Ливерпул победата над Ватфорд со 2:0 на отворањето на 31. коло на Премиер лигата. Жота погоди во свој стил, со глава на асистенција на Џо Гомез во 22 минута. „Црвените“ имаа уште неколку шанси да зголемат, а голот за 2:0 го постигнаа во финишот на мечот од пенал.
Прво судијата Стјуард Атвел не покажа ништо но реагираа од ВАР собата по што тој ја смени одлуката. Покажа на белата точка. Фабињо погоди за нови три бода во борбата за титулата.
Ливерпул скокна на првото место со 72 бода, а втор е Манчестер Сити со 70 бода и својот меч со Барнли ќе го игра попладне.
FOTO> Twitter/LiverpoolFC
