Денеска од 15 часот на Арената „Тодор Проески“ во Скопје се игра првиот меч од 25.коло во ПМФЛ. Се среќаваат Работнички и Струга Трим Лум. Две екипи кои ги посакуваат трите бода. Вчера за “Спортмедиа“ напаѓачот на домашните Марио Станковски најави дека неговата екипа оди на победа, а тренерот на стружани Срѓан Захариевски смета дека ова ќе биде добар натпревар.
“Работнички е добра екипа, во последно време игра квалитетно. И двете екипи играат отворен фудбал, затоа велам дека очекувам квалитетен меч. Од друга страна ние како гости ќе се обидеме низ едно добро наше издание да дојдеме до резултат кој нас ќе ни одговара. Очекувам неизвесен дуел, но ние ги посакуваме тие три бода и се надевам дека ќе ги однесеме во Струга“ истакна за “Спортмедиа“ шефот на струката на стружани Срѓан Захариевски.
