Карим Бензема погоди два од трите пенали кои му беа досудени на Реал (М) на денешното гостување кај Селта во Виго и успеа да му донесе победа на „кралскиот клуб“ од 2:1. Домашните сигурно имаат големи забелешки на судењето, а Бензема уште еднаш потврди дека годинава е незаменлив во составот на Анчелоти.
Французинот се врати по повредата, отвори со гол од белата точка во 19. минута.
Селта преку Галан по само 9 минути игра во вториот дел израмни на 1:1. Во 64. минута Бензема и по вторпат ја намести топката на белата точка, но овој пат неговиот удар голманот на домашните успеа да го одбрани.
Само пет минути подоцна, Бензема и третпат биеше од 11 метри, но овој пат успеа да погоди за предност од 2:1.
Standings provided by SofaScore LiveScore
