Елиф Елмас е стрелец во гостинскиот триумф на тимот на Наполи против Аталанта од конечни 1:3. Нашиот репрезентативец влезе во игра во 59. минута и ја потврди победата на гостите со погодок од 1:3 во 81. минута.
Претходно, Наполи поведе уште во 14 минута преку Инсиње од пенал за потоа пред полувреме да погоди и Политано. Де Рон ги врати домашните резултатски кога намали на 1:2, но Елмас не дозволи неизвесен финиш.
Наполи на овој начин се изедначи со лидерот на табелата Милан по бројот на бодови, со тоа што Милан има меч помалку. Аталанта пак е седма со 51. поен.
