Одбојкарите на Вардар славеа над Лирија со 3:0 во првиот меч од претпоследното коло во Втората фаза-1 на машкото одбојкарско првенство. Тоа практично значи дека Универзитет во Тетово и теоретски останува на 4. место и во серијата до две победи во полуфиналето на плеј-офот ќе оди на неприкосновената Струмица 47&72.
Бранителот на двојната круна денеска ќе се сретне со ГОК Борец, а во тетовското дерби Универзитет ќе ја пречека Шкендија, која сака победа за да се врати на втората позиција и со тоа да биде поблиску до евентуална мајсторка пред своја публика во полуфиналната пресметка со Вардар.
Прва лига (мажи), Втора фаза-1 (9.коло)
Вардар – Лирија 3:0 (25:14, 25:18, 25:22)
ГОК Борец – Струмица 47&72 (денеска, 20.30)
Универзитет во Тетово – Шкендија (денеска, 20.30)
