Фудбалска треска ја “тресе“ Англија, па и фудбалскиот свет. Денеска од 17.30 часот на „Етихад“ во меч од 32.коло силите ќе ги одмерат Манчестер Сити и Ливерпул. Моментално двете најдобри екипи во светот, двете првопласирани во Премиер – Лигата. Лидерот Сити има 73 бодови, а “редси“ еден помалку.
Ова е МЕГА – СПЕКТАКЛ. Пеп против Клоп, Манчестер Сити против Ливерпул. Кој ќе победи веројатно ќе ја освои титулата во најсилната лига во светот.
Овие две екипи во последните четири години не дозволија никој друг да им се вмеша во битката за титулата. Мотиви до небо, амбиции да се биде подобар од противникот.
Кој тактика ќе победи, онаа на Пеп Гвардиола или на Јирген Клоп? Тактичката совршеност на Пеп или “хеви – метал фудбалот“ на Германецот?
Време е за фудбалско уживање…
Колку за потсетување. Ова ќе биде само првата битка во трилогијата сезонава. Остануваат пресметките меѓу Пеп и Клоп и во ФА купот и во ЛШ.
Најубавот од фудбалот денеска е на програмата од 17:30 часот.
УЖИВАЈТЕ…
ФОТО: Twitter
