Чиро Имобиле е големо име во Италија. Тоа денеска го покажа на мечот со Џенова, на кој репрезентативецот на Италија постигна хет – трик и речиси сам го “растури“ домашниот тим со 1:4.
Сепак во Италија сеуште не може да се заборави оној пораз од Македонија во Палермо во полуфиналето од плеј – офот за пласман на СП.
Токму Имобиле се посочуваше како најголем виновник за таа катастрофа, а Имобиле по денешната средба покрај другото се осврна и на тој меч…
“Сите сме разочарани, но не можам само јас да бидам виновен за поразот од Македонија. Критиките се дел од нашата професија, фудбалот е колективен спорт и не може да биде виновен само еден играч за тој пораз во Палермо“ истакна Имобиле.
