Одбојкарите на Струмица уште еднаш потврдувајќи ја својата доминација на домашната одбојкарска сцена успеаја по осмипат во последните десет години да го освојат националниот одбојкарски куп. Во големото финале во Кавадарци, лидерот во домашното првенство со максимални 3:0 го совлада скопски Вардар најавувајќи уште едно успешно завршување на тековната сезона.
„Вардарци“ очигледно исцрпени по петочното полуфинале во пет сета против Универзитет во Тетово, немаа сили да подготват какво било изненадување за струмичките шампиони. Во трите сета Струмица доминираше, а Вардар не успеа да им се спротивстави посериозно, освен во првиот сет во кој успеа да дојде до 21 освоен поен.
КУП НА МАКЕДОНИЈА (М) – ФИНАЛЕ:
ВАРДАР – СТРУМИЦА 47&72 0:3 (21:25, 12:25, 17:25)
Кавадарци, сала: „Јасмин“, Судии: Зафиров и Белевски (асистенти: Петровска и Здравевски)
ВАРДАР: Блажовски, Акбари, Стојановиќ, Лепидовски, Гирлиќ, Ракша, Стошиќ, Владов, Клопчевски, Димовски, Аврамовски, Ангеловски (л),
СТРУМИЦА 47&72: Ричлиев Е., Михаилов, Милев Ј., Станков, Бен Талеб, Наков, Меирелеш, Мицев, Трајков, Милев В., Грковски, Злобин, Ричлиев Ф. (л), Смилков (л)
