Македонскиот фудбалски репрезентативец Аријан Адеми вчера постигна гол во победата од 2:1 против Ријека, победа со која „модрите“ дојдоа чекор поблиску до титулата во хрватскиот шампионат.
По мечот, нашиот репрезентативец имаше интересен коментар за гостувањето кај Ријека.
„Овде секогаш е страшно наелектризирана атмосфера. Многу негативна и такво нешто немам доживеано. Јас само покажав дека играме фудбал што треба да се следи без навреди од трибините“, вели Адеми.
За неговото враќање во тимот додаде:
„Нема да ме спречат повредите, поддршката од навивачите ми дава сила да го дадам најдоброто. Победата ни значи многу затоа што се бориме за титулата и секој бод е важен. Очекуваме тешка борба до крајот и уште неколку тешки дуели. Никој нема право на кикс“, кажа Адеми.
