Со последните одиграни натпревари синоќа и официјално е затворен регуларниот дел од сезоната во НБА лигата. Во многубројните дуели кои беа на програмата во последниот ден пред плеј-офот, кошаркарите на Кливленд го совладаа шампионот Милвоки Бакс со 133:115 и со тоа ја прекина серијата од три последователни порази, додека за Бакс ова беше втор последователен неуспех.
Доминантна партија за Кливленд имаше Кевин Лав со 32 поени, десет скока и две асистенции, додека Марканен додаде 23.
Шарлот славеше против Вашингтон со 124:108 за трета последователна победа, додека, конечно, Бруклин беше подобар од Индијана на својот паркет со 134:126.
Далас, пак, на домашен терен го совладаа Сан Антонио со 130:120 во кој повторно блесок имаше Лука Дончиќ. Тој реализираше 26 поени со девет асистенции и осум скока, но пред крајот на третата четвртина мораше да замине во соблекувалната кривејќи на едната нога поради повреда на левиот мускул. Тој не го заврши мечот, па сега сите се во исчекување на лекарските извештаи пред првиот дуел со Јута во рамките на првиот круг од плеј-офот.
Luka Doncic hobbled off to the Mavs locker room in the 3rd quarter vs. the Spurs.
Doncic grabbed at his knee/calf area on this play.pic.twitter.com/f1TkXgnaRI
— ClutchPoints (@ClutchPointsApp) April 11, 2022
НБА, резултати:
Бруклин – Индијана 134:126
Шарлот – Вашингтон 124:108
Кливленд – Милвоки 133:115
Хјустон – Атланта 114:130
Мемфис – Бостон 110:139
Њујорк – Торонто 105: 94
Орландо – Мајами 125:111
Филаделфија – Детроит 118:106
Минесота – Чикаго 120: 124
Далас – Сан Антонио 130:120
ЛА Клиперс – Оклахома 138:88
Њу Орлеанс – Голден Стејт 107:128
Феникс – Сакраменто 109:116
Портланд – Јута 80:111
Денвер – ЛА Лејкерс 141:146 (п)
