Откако вчера се појавија информации дека Пјаниќ дефинитивно ќе се врати во Барселона на крајот на сезоната, откако ќе му истече позајмицата во Бешикташ, денеска стигна демант.
Спортскиот директор на Бешикташ, Џејхун Казанџи, изјави дека се уште ништо не се знае и дека се ќе зависи од тренерот Валеријан Исмаил.
„Нема јасна одлука за Пјаниќ и Батшуаи. Можеби во согласност со препораките на тренерот Исмаил, ќе биде покрената иницијатива за задржување на двајцата. Мислењето на тренерот ќе биде клучно, а тренерот се уште нема дадено извештај за овие двајца играчи“, додаде спортскиот директор на Бешикташ.
Пјаниќ оваа сезона досега одигра 24 натпревари и има четири асистенции во истанбулскиот состав, со кој оваа сезона успеа да го освои турскиот Суперкуп.
