Ракометарите на Холандија го добија првиот дуел со Португалија во баражите за пласман на Светското првенство. „лалињата“ славеа на гостувањето кај Португалците со 33:30 и со една нога зачекорија кон Мундијалот.
Холандската репрезентација заработи одлична можност да го завери историскиот пласман во натпреварувањето пред своите навивачи во неделата. Дека одличните игри на претходното Европско првенство не се случајност, Каи Смитс потврди со 10 гола на денешното гостување. Одличен беше и Бајенс кој постигна 7.
