Бранителките на шампионскиот трон, одбојкарките на Јанта волеј Кисела вода и лидерот во регуларниот дел од сезоната, Работнички, тргнаа со победи во женскиот одбојкарски плеј-оф.
Во првите полуфинални дуели, Јанта Волеј КВ убедливо го совладаа Наковски волеј во три сета и поведе со 1:0 во полуфината серија од разигрувањето. Во денешниот прв полуфинален меч во Скопје, освојувачот на Купот и лидер во првенството, екипата на Работнички, тргна со победа од 3:1 над екипата на Струмица, која регуларниот дел од првенството го заврши на четвртата позиција.
Реваншите се играат на теренот во Струмица, а доколку струмичките тимови дојдат до победа, евентуалната „мајсторка“ ќе биде на терен на Јанта волеј КВ и Работнички.
Прва лига (жени), полуфинале (први натпревари)
Јанта волеј КВ – Наковски волеј 3:0 (25:9, 25:21, 25:19)
РаботничкиСкопје – Струмица 3:1 (25:16, 20:25, 25:13, 25:11)
