Во меч од 33.коло во Серија А, вечерва тимот на Интер со 1:3 успеа да ја победи домашната Специја и со тоа да го продолжи победничкиот ритам во поход на новата титула. Специја имаше свои шанси, но Интер сепак беше подобар и заслужено победи. Прво имаше водство од 0:2 со головите на Брозовиќ во 31.минута и Лаутаро во 73.минута, откако Аргентинецот двапати претходно не успеа од изгледни шанси да се запише во листата на стрелците.
Во финишот во 88.минута, со прекрасниот гол на Маџоре, домашниот тим намали на 1:2, за да во 90+3.минута Санчез ги постави конечните 1:3.
Сега со овие три бода Интер изби на чело на табелата во Серија А, има 69 бодови, еден повеќе од Милан кој вечерва игра со Џенова, но Интер има и меч помалку одиграно од својот градски ривал.
