За попладне од 16 часот закажани се сите пет натпрвари од 23.коло во ВМФЛ – ЗАПАД. Дербито се игра на ФФМ во Скопје, во кое се среќаваат “братските клубови“ Вардар и Тетекс. Нешто што го наметнаа фановите на двете екипи.
Вардар е со нов тренер, поточно со нов В.Д тренер во името на Бобан Грнчаров. Секако дека тој е поставен само да се одработи сезоната до крајот со оглед дека вардарци ги загубија сите шанси за пласман барем во баражот за враќање во елитата. Грнчаров нема тренерско искуство, па ако сакате и квалитети за оваа функција, па нема да биде сензација ако Тетекс, предводен од Славчо Георгиевски, среде Скопје успее да го победи Вардар.
Воска Спорт го дочекува Гостивар. Се разбира дека тимот на Раде Цицмиловиќ е фаворит, но нема да биде така лесно за Воска која со една нога веќе е во баражот.
Лидерот Силекс игра дома со Кадино, и не би требало да има проблеми со освојување на трите бода.
На останатите мечеви се среќаваат Беса – Охрид и Кораби – Велешта.
ДВОЈКИ ЗА 23.КОЛО – ДЕНЕСКА (16 Ч)
БЕСА – ОХРИД
КОРАБИ – ВЕЛЕШТА
СИЛЕКС –КАДИНО
ВОСКА – ГОСТИВАР
ВАРДАР – ТЕТЕКС
ТАБЕЛА
Силекс 56, Воска 51, Вардар 43, Тетекс 35, Гостивар 29, Беса 26, Охрид 22, Кораби 20, Велешта 17, Кадино 6
