Македонија вечерва слави нов пласман на Светските првенства. Ракометарите по којзнае кој пат ја израдуваа македонската нација, ја совладаа Чешка на домашен терен со 27-25 и заверија шеста минудијалска виза по ред, вкупно осма во својата историја.
Социјалните мрежи се преплавени со честитики до ракометарите, а први се огласија фудбалерите. Стефан Ристовски, Елиф Елмас и Александар Трајковски им се поклонија на ракометарите. Ристовски испрати и честитка до Стојанче Стоилов, кој изненадувачки стави крај на својата репрезентативна кариера. Во јавноста се огласи и Панчо од ДНК и најдобриот македонски автомобилист, Иџе, двајцата имаа порака за Столе.
