Актуелниот бранител на титулата во НБА лигата, екипата на Милвоки го совладаа Чикаго на домашен терен со 93:86 и поведе со 1:0 во четвртфиналната серија од плеј-офот на Истокот.
До победата за Бакс ги предводеше Јанис Адетокунбо кој постигна 27 поени со 16 скока, Брук Лопез додаде 18, а Џру Холидеј 15 поени. Никола Вучевиќ беше најдобар во редовите на Булси со 24 поени и 17 скока.
Кошаркарите на Феникс поведоа со 1:0 во првото коло од Западната конференција откако славеа над Њу Орлеанс на домашен терен со 110:99. Феникс имаше и 23 поени предност, но Њу Орлеанс до крајот на третиот дел од натпреварот се доближи на 79:71, по што на сцена стапи Крис Пол, кој постигна 19 од своите 30 поени во последниот дел од мечот.
Девин Букер додаде 25 поени за победничкиот тим, а Деандре Итон 21. Кај Њу Орлеанс предничеше Си Џеј МекКолум со 25 поени.
Бостон синоќа на домашен терен го совладаа тимот на Бруклин со 115:114 и поведоа со 1:0 во плејофот на Истокот. Претходно во текот на вечерта Мајами тргна со убедлива победа над Атланта со 115:91.
