Можеби резултатот од 3:0 покажува дека Манчестер Сити лесно вечерва го совлада Брајтон во меч од 30.коло во Премиер – лигата, но сепак не беше така. Тимот на Пеп Гвардиола иако имаше целосна инцијатива и шанси, сепак првиот гол го даде дури во 53.минута и тоа со голот на Марез. Во 65.минута на 2:0 зголеми Фоден и тука беше решен победникот, за да Силва во 82.минута го постави конечни 3:0 за актуелниот шампион.
Со овие три бода Сити и натаму има бод предност во битката за титулата пред Ливерпул. Сега е 77-76 на шест кола до крајот.
