Герет Бејл на крајот на оваа сезона ќе го напушти Реал Мадрид каде ги мина изминатите девет години.
Имаше информација дека 32-годишниот офанзивец е решен да стави крај на кариерата, но денеска стигнаа нова вест. Бејл доби понуда, и тоа од МЛС-лигата.
За услугите на репрезентативец на Велс е заинтересиран ДС Јунајтед, засега имаат усмен договор, а според неофицијални извори тој ќе заработува повеќе од Вејн Руни.
Руни додека го носеше дресот на овој клуб годишно имаше на својата земтка три и пол милиони долари. Понудата до Бејл е е поголема и преговорите се во тек.
Дали навистина ќе ја продолжи својата кариера во МЛС лигата останува да видиме по крајот на оваа сезона.
Во дресот на Реал одигра 258 мечеви и постигна 106 погодоци, но во последно време тој е најнеомилениот играч кај фановите на „кралскиот“ тим.
