Денешниот шокантен пораз од Емполи во 34. коло од Серија А лигата го примора првиот човек на клубот Аурелио Де Лаурентис да нареди целосен карантин за фудбалерите на крајот на сезоната.
Само еден освоен бод во последните три меча ги стави Наполитанците во позиција само чудо да може да им донесе шанса да го освојат првенството во трката со градските ривали Милан и Интер. Де Лаурентис по мечот им наредил на Спалети и неговите соработници од вторник целиот тим да биде ставен во карантин, кој ќе започне со првиот тренинг.
