Бруклин со своите две големи ѕвезди се наоѓа пред невозможна мисија, откако успеаја да го запишат нов, трет пораз од Бостон, кој се најде на победа до следната рунда, откако поведе со 3-0.
Селтикси славеа со 109-103, што значи дека Дурент и Ирвинг полека се збогуваат со плеј-офот, двајцата беа целосно неутрализирани и немоќни против дефанзивата на Бостон. Заедно двајцата постигнаа 32 поени, додека на другата страна најдобар беше Татум со 39 поени.
Лука Дончиќ се врати на теренот, но неговите 30 поени и 10 скока не беа доволни за нова победа против Јута, која славеше со минимални 100-99. Гобер на 11 секунди до крајот го постави конечните поени. На крајот зад своето име запиша 17 поени, прв стрелец беше Кларксон заврши со 25 поени, два помалку имаше Мичел.
Минесота стигна до 119:118 победа на дуелот со Мемфис и изедначи на 2-2, Карл-Ентони Таунз постигна 33 поени и 14 скока, Ентони Едвардс со 24 поени.
