Менаџерот на Манчестер Јунајтед, Ралф Рангник изјави дека Пол Погба ќе го пропушти остатокот од сезоната. Французинот се повреди во поразот од Ливерпул, а не беше во составот ниту против Арсенал.
Иако тренерот на „црвените ѓаволи“ најави дека за него оваа сезона е завршена, сепак тој најави кам-бек пред крајот на истата.
„Апсолутно сум исцрпен што нема да можам да му помогнам на тимот на денешниот натпревар. Ќе работам уште повеќе за да се вратам посилен и се надевам пред крајот на сезоната. Не е готово. Ви благодариме на сите за поддршката“, пиша Французинот.
Се верува дека Реал Мадрид и ПСЖ во моментов се заинтересирани за поранешниот играч од средниот ред на Јувентус, кој го чека најмалку четири недели закрепнување.
„Бидејќи последниот натпревар е на крајот на мај, мислам дека има мали шанси Погба повторно да игра оваа сезона“, призна денеска Рангник, кој од летото ќе му го препушти местото на Холанѓанецот Ерик тен Хаген.
