Екипата на Ференцварош е нов (стар) шампион на Унгарија откако вечерва со победата над Ујпешт со 2:1 ја запечати новата титула. Ференцварош има 62 бода на чело на табелата, 13 повеќе од вториот и третиот Кишварда односно Академија Пушкаш, а до крајот има уште четири кола.
Ова е севкупно 33 шампионска титула за Ференцварош, а четврта по ред. Тој е и најтрофеен клуб во Унгарија.
Ференцварош може да се закити и со двојна круна затоа што на 11 мај игра финале во Купот против Пакс.
