Реал Мадрид на утрешното гостување кај Манчестер Сити ќе мора да тргне без двајца свои главни играчи. Според „Марка“, Алаба и Каземиро ќе патуваат со тимот во Манчестер, но нивното учество на мечот е малку веројатно.
Лекарите и тренерот Карло Анчелоти ќе донесат одлука во последен момент. Весникот тврди дека и двајцата не успеале да го одработат денешниот тренинг бидејќи имаат повреди. Се уште не е јасно колку се сериозни повредите, но добрата вест за Карло Анчелоти е што на располагање ќе му биде Ферлан Менди.
Алаба доби истегнување на мускулот и беше изваден во победата од 3-1 над Осасуна. Каземиро нема играно од натпреварот со Челзи во четвртфиналето на Лигата на шампионите.
