Искусниот шпански тенисер Рафаел Надал објави враќање во тенисот – ќе игра на Мастерсот во Мадрид. По турнирот во Индијан Велс во март каде што беше поразен во финалето од Тејлор Фриц, Шпанецот се жалеше на болки во градите, а прегледите покажале напукнато ребро. Почна со тренинзи пред десет дена и потврди дека ќе игра на турнирот во својот Мадрид кој почнува на 1 мај.
„Иако доаѓам од подготовки и во тежок момент, сепак, сакам да играм во својот град. Ќе дадам се од себе“, порача Надал.
А швајцарскиот тениски ас Роџер Федерер потврди дека ќе игра на турнирот во својот роден град Базел во октомври. Десеткратниот освојувач на турнирот, поранешен број 1 нема одиграно натпревар од јули 2021 година поради повреда на коленото.
Тој рече дека нема шанси да заигра на Вимблдон. Пополека заздравува, почнува да тренира и кам-бек на тенисот ќе го направи токму на турнирот во Базел, Швајцарија во октомври.
