Веќе следниот викенд продолжуваат возбудувањата во ПМФЛ со натпреварите од 30.коло. Иако минатиот викенд и официјално, во тимот на Шкупи, го добивме новиот шампион на Македонија, сепак во последните четири кола и тоа како ќе биде интересно и неизвесно, барем во битката за излез во Европа.
Инаку Штип и фановите на овој град ќе ја имаат таа чест први да го нагостат новиот првак, имено четата на стратегот Гоце Седлоски в сабота (30.04.2022), со почеток од 17 часот, ќе и гостуваат на Брегалница. Во исто време во Тетово досегашниот првак, тимот на Шкендија се среќава со Работнички.
Додека во недела (01.05.2022) на програмата се уште четири меча од 30.коло во ПМФЛ, а во нив се среќаваат Македонија ЃП – А. Пандев, Ренова – Струга ТЛ, Пелистер – Тиквеш и Борец – Скопје.
