Ракометарите на Бутел попладнево во меч од плеј – офот во Суперлигата успеа сда го победи Е. Пелистер 2 со 28-19 (13-11), со што освои нови бодови за зацврстување на третата позиција на табелата.
Интересно, гостите од Битола подобро го “отворија“ мечот, имаа и водство, но како што одминуваше времето домашните ракометари се созедоа па така на пауза се замина со нивна предност од два гола.
Во вториот дел, освен вовбедните минути, домашниот состав беше подобар, го имаше на голот и расположениот Чаневски кој заврши со 15 одбрани, па така на крајот успеаја и да слават и убедлива победа.
Најефикасен во победничкиот тим беше Марко Митев со седум погодици, додека кај гостите најдобар беше Павле Атанасијевиќ исто со седум погодоци.
