Женската ракометна репрезентација денеска (17 часот) во Љубљана ќе ги дознае имињата на противниците за ЕП 2022 година кое ќе се одржи во Словенија, Македонија и Црна Гора. Нашите двојки ќе се најдоа во третиот шешир, а ќе играат во групата Ц во Скопје. Словенија, Хрватска и Германија се трите земји кои „црвено-жолтите“ ќе ги одбегнат во групната фаза.
Раководството на РФМ успеа да го врати континенталното натпреварување во Македонија после 14 години, последен пат ваков голем настан се одржа во 2008 година. И не е само тоа, нашите девојки после десет години се враќаат на европската карта, последен пат на ЕП, нашиот најдобар национален состав играше во 2012 година.
Домаќин беше Србија, а Македонија заврши на 18 место. Кога сме кај учествата, македонската репрезентација има уште четири, најдобриот пласман е во 2012 година, седмото место. Претходно во 1998 и 2000 година, го освоија осмото место, додека во 2006 година, Македонија заврши 12-та.
