Златан Ибрахимовиќ се прогласи себе си за најдобар во историјата на Мејџор Сокер Лигата. Швеѓанецот играше за Лос Анџелес Галакси од 2018 до 2019 година, а во една и пол година одигра 58 натпревари и постигна 53 гола и притоа запиша 15 асистенции. Од таму се врати во Европа.
„Благодарен сум им на МЛС што ми дадоа шанса да почувствувам како е да се игра таму. Но јас бев премногу добар за тоа првенство. Погледнете ги бројките и ќе разберете зошто. Јас сум најдобриот што играл во МЛС. Не сакам да се рекламирам, но тоа е така. Ми се допадна таму, начинот на работа, начинот на кој го промовираат фудбалот. Стадините не се празни. Кога играв добивав громогласен аплауз.Мило ми е што играв таму“, вели Ибрахимовиќ.
