Легендарниот тенисер, Борис Бекер доби 2,5 годишна затворска казна за измама и затајување при прогласување на својот личен банкрот.
Деталите по пресудата брзо дојдоа до јавноста, според германските медиуми Бекер мирно не ја поднел казната. За време на сослушувањето бил црвен во лицето повеќе од вообичаено, додека по затворската казна колабирал и чуварите морале да го изнесат надвор.
Не му помогнало тоа што нема да ја помине целата казна од две и пол години зад решетки, туку „само“ 15 месеци, па му се слошило, пренесува „Билд“. Бекер во овој момент може да се утеши само со фактот дека ќе се ослободи од есента 2023 година, доколку добро се однесува.
Севкупно, Бекер беше обвинет за девет точки, меѓу кои и прикривање трофеи од турнирите на Вимблдон и Австралија опен, како и стан во Лондон, готовина… Тој беше обвинет за премногу работи и едноставно беше невозможно да се покаже дека не е виновен.
