Одличен меч во Штип, во кој Брегалница со 4:1 успеа да го победи Шкупим, новиот шампион на Македонија. И двете екипи одиграа квалитетно, напаѓачки, но “сините“ ги користеа своите шанси, постигнаа два гола од белата точка и успеаја да победат.
Џокиќ во 15.минута го отвори резултатот за водство на домашните. Следуваше кикс на голманот Денковски во 29.минута, тоа го искористи Адетунџи и успеа да го израмни резултатот на 1:1.
Само што почна вториот дел Џокиќ од пенал носи ново водство за „сините“. Денковски успеа да се извади за киксот со одбранет пенал по шутот на Алварез.
Следуваа два гола на Брегалница, на Стојанов и Алтипармаковски за конечни 4:1.
Во Тетово екипата на Шкендија со 1:0 го победи Работнички и со тоа си ги зголеми шансите за излез во Европа. Шкендија со голот на Дориев во 55.минута успеа да победи и да дојде до трите бода. Од друга страна Работнички имаше свои шанси за подобар резултат но не успеа да ги искористи.
