Украинскиот прволигаш ФК Мариупол и официјално повеќе не постои. Со оглед на ситуацијата во Украина, а особено во овој град кој е тотално разурнат и уништен од воените дејствија, раководните структури на овој клуб, одлучија да ги раскинат договорите со сите професионални фудбалери кои беа на платниот список, и официјално да го згаснат клубот.
Клубот е основан 1960 година, а четвртото место е неговиот најголем успех. Во Мариупол настапуваше македонскиот репрезенативец Стефан Спировски, а од таму си замина во јануари годинава. Спировски играше на последниот официјален меч за Мариупол на 10 јануари, а потоа сите останати мечеви на клубот беа пријателски. Некогашниот наш младински репрезентативец Бесир Демири исто така беше дел од овој клуб.
