Тренерот на Барселона, Чави Ернандез, инсистира Холанѓанецот Френки де Јонг да продолжи да биде дел од тимот, но 24-годишниот играч од средниот ред е незадоволен од неговата замена на средбата со Рајо Ваљекано минатата недела. Неговото однесување ја доведе во прашање идната кариера на фудбалерот на „Камп Ноу“, сметаат шпанските новинари.
Чави прокоментирал дека Де Јонг треба да покаже поголема упорност, покажувајќи дека е лут на неговото однесување.
„Френки мора да биде играч кој прави разлика на теренот и тој тоа го покажува. Нема многу фудбалери во светот со квалитети како неговите. Тој е сегашноста и иднината на Барселона. Френки е многу важен играч за мене“, коментира тренерот на каталонскиот велемајстор.
„Тој е способен, силен и му создава проблеми на противникот. Одигра одлични натпревари, но мора да биде константен. Разговаравме лице в лице во текот на неделата и мислам дека се помина добро. Очигледно е досадно за него да биде заменет за време на натпреварите, но јас морам да се грижам за тимот“, изјави Чави Ернандез.
