Екипата на Борнмут избори пласман во Премиер лигата откако вечерва славеше победа со 1:0 над Нотингем Форест во Чемпионшип дивизијата. Во директен дуел за второто место „црвено-црните“ славеа со голот на велшкиот интернационалец Кифер Мур во 83. минута.
Со оваа победа Борнмут собра 85 бода, шест повеќе од третопласираниот Нотингем и нема теоретски шанси да падне подоле. Па така „црешките“ се враќаат во англиската елита по две години пауза. Пред неколку денови Фулам го осигура пласманот во Премиер лигата.
Mientras tanto, el Bournemouth vuelve a la Premier League y la fiesta es TOTAL! 🥵⚽pic.twitter.com/e8yBrl4xJJ
— Fodboldworld (@fodboldword) May 3, 2022
За последниот билет ќе се борат во бараж екипите кои се од третото до шестото место на табелата. Нотингем Форест и Хадерсфилд сигурно се таму, а за другите две конкурираат Шефилд Јунајтед, Лутон, Мидлсбро и Милвол. До крајот на регуларниот дел на сезоната има уште едно коло.
