Бостон и Мемфис им се реваншираа на своите противници за првиот пораз во втората рунда од плеј-офот, изедначија на 1-1 во серијата.
Гризли беа подобри од Голден Стејт со 106-101 на крилата на неверојатниот Морант, кој средбата ја заврши со 47 поени, во последните пет минути постигна повеќе поени од целиот тим на Вориорс (15-12). Гостите на оваа средба остнаа без Пејтон, кој доби повреда на лактот и беше префрлен во болница, а по еден удар во окото Грин заврши на шиење.
Пејтон настрада по еден груб фаул на Брукс, кој за овој потег доби икслучување, а му се заканува и суспензија за следниот натпревар. Пејтон во контра напад се подигна да положи, по фаулот, падна и го скрши лактот.
Take a look at Draymond Green’s swollen eye pic.twitter.com/lWK2MjSsHN
— Ben Golliver (@BenGolliver) May 4, 2022
Мечот беше отворен до самиот крај, Вориорс во последните четири минути влегоа со предност од четири поени, но Морант ги превзема работите во свои раце. Со 47 поени постигна рекорд во неговата кариера во доигрувањето.
