Зарем треба да се каже што значи Аријан Адеми за Динамо Загреб, за нашата фудбалска репрезентација. Вистински Лав кога станува збор за неговиот однос кон дресот што го носи кога е на терен. Миленик на фановите на Динамо, миленик на целата наша јавност. Лавот Адеми има играно заедно со многу познати фудбалски имиња и сите во суперлатив говорат за него.
Па така и Комнен Андриќ, српскиот напаѓач во Динамо Загреб, со свој коментар за Адеми.
„Без никакви дилеми Аријан Адеми, нашиот капитен и предводник на Динамо Загреб е убедливо најдобриот фудбалер со кого сум играл. Фантастична личност, голем, екстра фудбалер. Тој е вистинска легенда на Динамо Загреб“ посочи покрај другото деновиве Србинот за нашиот репрезентативец и капитен на “модрите“.
