Откако на Фенербахче оваа сезона не му цветаат рози, се чини дека славниот турски кошаркарски клуб има намера да му врачи отказ на сегашниот стратег Александар Ѓорѓевиќ. Иако Србинот сеуште има важечки договор, него го спасува само ако Фенер стане шампион на својата земја, со оглед на на тоа дека во Евролигата имаше очаен настап.
Како што шпекулираат медиумите во Грција, нов стратег на Фенер би требало да биде Димитрис Итудис, славниот грчки тренер кој во моментов го предводи тимот на ЦСКА Москва. Сепак со оглед на тоа дека рускиот клуб, поради војната во Украина, нема право да се натпреварува на официјални натпревари во Европа, јасно е дека Итудис без проблем би можел да си замине од Москва и да се пресели во Истанбул.
