Вардар со 1:0 успеа да го победи Силекс во меч од претпоследното коло во ВМФЛ – ЗАПАД. Сепак победи и Воска, па така сега се ќе решава во последното коло в сабота, каде Вардар му гостува на Кораби во Дебар, а Воска кај Силекс во Кратово.
Се знае сега, Вардар се “крсти“ во Силекс, кратовци мора да ја победат Воска па така вардарци со триумф во Дебар би се нашле во баражот за пласман во ПМФЛ.
По денешниот меч на Автокоманда голема радост кај играчите на Вардар и неговите фанови. Се разбира “главен“ и овојпат беше голманот Филип Гачевски, кој заедно со фановите ја прослави победата над Силекс и тоа во негов елемент, како што само тој знае.
