Екипата на Манчестер Јунајтед од коло во коло постојано изненадува. Ќе одигра катастрофално, потоа ќе одигра добро, таман си помислил дека ќе тргне одново разочарува.
Пред две кола одигра 1:1 со Челзи, потоа го растури Брентфорд со 3:0, а денеска капитулираше на „Амекс“ во Брајтон.
Домашниот тим победи со 4:0 што е највисока победа на „галебите“ над составот од „Олд Трафорд“.
Каиседо во првото полувреме го доведе Брајтон во водство, а во вториот дел од 49. до 60. минута мрежата на Де Геа ја тресеа Кукурела, Грос и Тросар.
Со овој пораз Јунајтед сега за првпат по 1981 година има пет порази по ред на гостински терени.
„Ѓаволите“ се на 6. место и идната сезона ќе ги гледаме во Лига Европа, а Брајтон е на 9. место.
