Со два гола на Сандро Тонали екипата на Милан славеше на гостувањето кај Верона со 3:1 и се врати на чело на табелата во Серија А. Тонали постигна гол во 16. минута за водство на Милан, меѓутоа ВАР им го поништи. Потоа Верона дојде во предност со голот на Фараони. Сепак, Милан дојде до 1:1 со голот на Тонали, овојпат регуларен па со реми се отиде на пауза.
Во 50. минута Тонали одново стрела и носи предност за Милан. Во финишот на мечот Флоренци со гол донесе мирни последни минути во Верона за „црвено-црните“.
„Росонерите“ се први со 80 бода, два повеќе од второпласираниот Интер. Милан до крајот на сезоната играат со Аталанта и со Сасуоло.
