Клоп: Фантастичен менталитет, затоа сме тука каде што сме

Тимот на Ливерпул синоќа имаше мали проблеми да дојде до уште една победа во Премиер лигата откако по само три минути игра на дуелот со Астон Вила беше во негатива. Сепак, фаворитот се исправи пред предизвикот и успеа да стигне до нов триумф, за продолжување на битката за титулата.

„Извонредно, неверојатно. Менталитетот е во прашање. Доаѓајќи на натпреварот, пет пати го променивме стартниот тим. Ни требаше малку време за да ја пронајдеме нашата игра, затоа што противникот беше во мечот од првата минута. Бргу се прилагодивме, тоа е најважно. Да моите играчи не се добри колку што се, сега ќе разговаравме сосема поинаку. Нивниот квалитет, карактер и менталитет се причината зошто сме онаму каде што сме“ – изјави Клоп.