Претседателот на италијанската фудбалска елитна конкуренција, Лоренцо Касини, призна дека веќе се размислува за промени во користењето на ВАР технологијата во италијанскиот фудбал. Сè повеќе тренери и играчи се незадоволни од начинот на кој се користат видео-прегледите денеска, па затоа, Касини призна дека е подготвен да направи промени.
Според него се разгледуваат идеи од тенисот, каде играчите имаат право на три оспорувања на судиските одлуки.
„Верувам дека треба да размислиме за некои подобрувања. Една идеја што ми се чини разумна е воведувањето челинџи. Да им се дозволи на тренерите еднаш или двапати во текот на натпреварот да побараат преиспитување на судиската одлука. Ова ќе се обиде да ги намали проблемите и тензијата за време на натпреварите“, изјави Касини.
